نهضوا جميعهم ليروا المحلات عن كثب، تفاجاوا بها على الطوب الأحمر، تحتاج منهم تشطيب ومال وفير كي تصلح ان تكون محلات للشغل،
توكلوا على الله عادوا الي المنزل و تناقشوا بأن يطلوها بالجرانيت على حساب المشتركين الثلاثه؛ طلب محمد من إيمان أن تذهب إلى والدها لأمر هام
-قومي بقى روحي لابوكي واحكي له عن المشروع، وقوليله بقى يبقى يجي يبلط المحل
أجابته إيمان
-مش نستني الأول لما نخلص الدهان وبعدين ندور على البلاط
ألح عليها محمد
-روحي بس واتفقي معاه عشان يعمل حسابه، مابتبقيش حنبليه
تأفأفت إيمان و انتفضت من مقعدها
-طيب يا زنان، انا رايحه اهو.
ذهبت إيمان ال منزل والدها ثم ألقت التحيه عليهم
-إزيكوا يا جماعه، عاملين ايه
أجابتها هنيه بابتسامه مفرحه
-احنا كويسين الحمد لله، مزاجك حلو كده، خير
أطلقت إيمان ضحكتها
-طول عمرك لماحه ياماما
قصَّت لهم الموضوع، سعدوا جميعا وقاموا بتحذيرها في آن واحد
