KINABUKASAN hindi ko magawang igalaw ang aking katawan kahit ang umupo man lang ay hindi ko magawa dahil pakiramdam ko ay para bang binubog ang aking katawan sa sakit.
Kahit ang aking hininga ay ramdam ko rin ang mainit na singaw kasabay ng bahagya pang pitik sa aking sintido. At hindi nga ako nagkamali ng aking hinuha kagabi na para akong lalagnatin.
Subalit sa kabila ng bigat na aking naramdaman ay pinilit ko pa ring bumangon upang makahingi ng gamot kay Mama. Paika-ika akong lumakad papalabas ng aking silid. At sa bawat paghakbang ko ay kasabay naman nang pagngiwit ng aking mukha na para bang kung sa lalaki ay mukha akong katutuli dahil sa hirap ng aking pagkilos.
Kailangang mawala ang aking lagnat at sakit ng aking katawan dahil may pasok pa rin ako ngayong araw at kailangan kong pu
