"Good morning po, sir!" masiglang bati sa akin ng aking sekretarya na si Vanessa habang nakatayo ito sa gilid nang pinto ng aking opisina at kita kong kalalabas lamang nito.
Tumango lamang ako at tangka ko na sana itong lalagpasan nang muli itong magsalita, kaya't muli akong napatigil.
"Sir, nasa loob na po ang mga document na kailangan n'yong pirmahan, and you have a meeting at 3 P.M with the heads of all departments to discuss the status of their departments, particularly the finance department." Pagkatapos ay bahagya na itong yumukod at umatras na ng isang hakbang.
Tumango na lamang ako bilang tugon, at nagpatuloy na rin sa loob ng aking opisina. Pag-upo ko ay agad bumungad sa aking harapan ang mga dokumentong sinasabi sa akin ni Vanessa na dapat kong pirmahan.
Subalit bigla akong n
