Wallace
BINALOT ko sa supot ang diaper ni Baby Winona na nadumihan nya. Kaya pala sya tahimik kanina at namimilog ang mata.
"Daddy daddy!"
Nilingon ko si Wayne na lumapit sa akin. Tinuro nya si Baby Winona na nag iingay na at kinakawag kawag pa ang mga kamay at paa. Nasa gitna sya ng kama namin ni Alona.
"Baby Winona wiwi." Sabi ni Wayne.
Lumapit ako kay Baby Winona at nakita kong basang basa ang lampin na sinapin ko sa kanya. Siguradong basa din ang kobre kama.
Kumamot ako sa ulo. "Anak ng.. baby naman bakit hindi ka pa sumabay ng ihi kanina. Kita mo o, nabasa na pati kobre kama namin."
Pero ang prinsesa ko na anim na buwang gulang ay nagdadaldal lang. Tila ba sya sumasagot at pinandidilatan pa nya ako ng mata. Ang sabi ng nakararami ay kamukha ko daw sya at mabuti na lang ay
