Tatica
"TATI, mag ready ka aalis tayo."
Nag angat ako ng tingin kay Boss Conrad na sinusot na ang leather jacket nya.
"Saan tayo pupunta bossing?" Takang tanong ko.
"May pupuntahan tayong exhibit."
"Kailangan po ba talaga na kasama ako?" Parang ayoko sumama. Ang init sa labas eh.
Kunot noong tumingin sya sa akin. "Syempre secretary kita. Kailangan talaga kasama kita kapag may importante akong pupuntahan."
Ngumuso ako. Oo nga pala. Kasama yun sa trabaho ko bilang secretary nya.
Kinuha ko ang shoulder bag ko na nasa ilalim ng desk. Binuksan ko ito at kinuha ang compact powder. Sinipat ko ang mukha sa maliit na salamin. Hindi naman ako pawisan dahil de aircon naman dito sa loob ng opisina. Maayos pa naman ang kilay ko at intact pa rin ang winged eyeliner ko ganun na rin ang pink
