Tatica
"KUYA Omar pakihintay na lang ako dito sa sasakyan. Ako na lang ang pupunta sa puntod ni nanay."
"No problem madam." Sabi ni Kuya Omar na bumaba din ng sasakyan at hinugot ang pakete ng sigarilyo na nakalagay sa bulsa ng polo nya.
Sya ang driver/bodyguard ko ngayon dahil may pigsa sa tagiliran si Kuya Arnel at hindi makakilos ng normal. Gusto na nga nilang pisain ni Kuya Pancho and pigsa ni Kuya Arnel at palabasin ang mata sa pamamagitan ng bulaklak ng gumamela at bote pero ayaw nya dahil natatakot sya. Ayaw din nyang magpaospital at takot din sya dahil baka tusukin daw sya ng karayom. Pero kapag inutos na ni Conrad na magpaospital na sya ay wala na syang magagawa at babanggitin ko yun mamaya kay Conrad.
Bitbit ang basket ng bulaklak ay tinungo ko na ang puntod ni nanay. Birt
