Tatica
NAKANGUSO ako at nakayuko habang nakaupo sa sofa'ng kahoy. Nakapaligid sa akin si tatay, Kuya Jomel at Lolo Epi. Si Conrad naman ay nasa labas ng bahay at tinatawagan si Lolo Mati. Pinapapunta kasi ni tatay dito sa bahay si Lolo Mati para makausap tungkol sa lihim na kasal namin ni Conrad.
"Paano mo nagawang maglihim sa amin ng ganito Tatica? Paano mo nagawang magdesisyon na magpakasal na hindi man lang nagsasabi sa amin. Hindi naman ako tututol pero dapat kinausap nyo muna ako dahil karapatan ko yun bilang ama mo." Sermon ni tatay. Kanina pa nya ako sinisermunan. Nasermonan nga rin nya si Conrad.
"Sorry po tay." Mahinang sabi ko.
"Pambihira ka naman bunso. Sa amin ka pa talaga ni tatay naglihim at ang lakas ng loob mo ha. Basta ka na lang nagdesisyong magpakasal." Segunda pa
