MALIYAH POV (SPG WARNING)
“Tita Mommy wake up!” Matinis na boses ang nagpagising sa akin, napabalikwas ako ng bangon, sa lakas ng boses at patakbong sumampa sa kama ang dalawang bulinggit na cute na’to.
“Hmmm, babies, antok pa si Tita eh” ibinuka ko ang isang mata ko dahil, tingin ko sobrang aga pa. Patingin ko sa orasan jusmiyo Corazon na aking ina, lampas ala singko palang ng umaga, dati naman alas-otso gumigising ang mga ito. Pinugpog nila akong dalawa, ng halik sa magkabilang pisngi. Kesa mainis ako, tuwang tuwa naman ako, ang lalalambing ng dalawang ito sa akin, akala mo ako ang kanilang ina. Gusto mo naman sigaw ng mahaderang utak ko.
“They like you.” I heard a sweet baritone voice from a distance. Nakasandal si Clint sa hamba ng pintuan at kita ko ang masayang awra sa mukha niya.
