"Kotse iyon ng gurong nagtuturo rito sa bahay ampunan. Hindi ko masabi sa'yo sa text dahil gusto kong sabihin sa'yo nang personal na may nag-sponsor ng guro sa bahay ampunan para maturuan ang mga bata," wika ni Mother Lily. Napangiti ako dahil do'n.
Alam kong si Finn ang may kagagawan no'n. Nag-uumpisa na pala siyang tulungan ang mga bata at gawin ang kasunduan namin.
Napatingin si Mother Lily sa likod ko at nanlaki ang mga mata niya. Lumingon ako sa likod at nakita si Edward.
Nang makalapit siya ay pinakilala ko siya kay Mother Lily.
"Si Edward nga po pala, kaibigan ko po. S-siya rin po pala ang nagligtas nung buhay ko nung muntikan na pong may mangyaring masama sa'kin," wika ko. Gusto kong makilala ni Mother Lily si Edward bilang isang savior ko dahil ilang beses na niya akong nili
