"I'm Krystal, it's nice to meet you Elicia," nakangiting sabi ni Krystal at nakipag-shakehands sa'kin. Mukhang wala nang nagawa si Mrs. Camilla at tinanggap na lang ang sitwasyon. Pagkatapos naming mag-shakehands ay nilingon ni Krystal si Mrs. Camila.
"Well since Finn's girlfriend is here, I think I should go na po tita Camilla. May need na rin po kasi akong asikasuhin," nakangiting sabi ni Krystal.
"A-ah gano'n ba? Sige mag-iingat ka. May susundo ba sa'yo?" tanong ni Mrs. Camilla. Kaagad na umiling si Krystal.
"I can take you to your house," biglang pagsabat ni Edward kaya napalingon kami sa kaniya. Tiningnan ko ang reaksyon ni Krystal at mukhang nagulat siya nang makita si Edward.
Lumapit si Edward upang magpakilala sana kay Krystal kaso nagsalita si Krystal.
"E-edward, you're here,
