CHAPTER 31
“I heard from Tina that you resigned. Bakit?”
Shana gave me a knowing look before continuing to slice the raw mango. Pansamantalang nakikitira siya sa unit ko mula nang magsimula akong makaramdam ng pagkahilo at pagsusuka—tatlong linggo na ang nakalipas. Hindi ko man lang nagawang pumunta sa resort noong kaarawan ni DJ dahil sa sobrang pagkahilo ko.
Nang matapos niyang hiwain ang mangga, nilagay niya ito sa isang platito at inilapag sa maliit na mesa sa harapan ko.
Bumangon ako mula sa sofa, kinuha ang isang piraso ng hilaw na mangga, at isinubo ito. Nanunuot ang asim sa dila ko, pero sa kung anong dahilan, pakiramdam ko’y gumagaan ang pakiramdam ko.
Narinig ko ang pagtikhim ni Shana mula sa kalapit na sofa. Hindi ko namalayan na naupo na pala siya roon, naghihintay ng sago
