"Ma, si Portia?" nagulat ang ginang sa pagdating ni Drake. Hindi niya inaasahang makikita ang lalaking ito sa pamamahay niya. Alam niyang ayaw nito sa asawa at tanging kaibigan lang ang turing nito dito. Masakit para sa isang ina na nagdurusa ang anak niya nang dahil sa isang lalaki lamang. Pero wala nang mas sasakit pa na malaman mong ang dahilan ng padurusa nito ay dahil iba ang mahal ng asawa nito.
"Wala siya rito. Tsaka bakit dito mo siya hinahanap? Kayo ang mag-asawa hindi ba dapat ay sa inyong bahay mo siya hahanapin?" saad ng ginang. Kahit pa alam niya kung nasaan si Portia ay hindi niya sasabihin dito.
Nagdurusa ang anak niya nang dahil sa lalaking ito. Ayaw na niyang madagdagan pa ang pagdurusa ng anak. Bigla na lamang natumba si Drake na kanina lang ay kausap ng ginang nang may
