إختفاء البارت الثاني
1548 Words
إختفاء
البارت الثاني
بقلم / غادة سعيد
مامتها كانت جوة الشقه بتكلم نفسها و تنادي علي زين . . .
_ يا زين انت فين يا حبيبي جرالك ايه انا حاسه ان حصلك حاجه قلبي مش متطمن خالص اديني اي اشارة انت عايش ولا ميت ولا جرالك ايه يا زين يا حبيبي . .. .
خبطت زينه عالباب وقالتلها افتحي يا ماما . .
_ زينه مفيش اي اخبار عن اخوكي يا بنتي كده اكيد جراله حاجه بقي . . . اخوكي عمره ما غاب علينا كل ده اخوكي طول عمره مبيحبش يقلقنا عليه يا زينه . . .
= يا ماما ان شاء الله ميكنش جراله حاجه متقلقيش الظابط طمني و رحت كذا مستشفي وسايبلهم ارقامي وإن شاء الله خير . .
انا هدخل اريح رجلي شويه مش قادره ادوس عليها خالص من اللف من الصبح هدخل اريح و اول ما النهار يطلع هنزل علي طول اسأل في بقيت المستشفيات والاقسام . . . . .
وانتي يا ماما ادخلي ارتاحي شويه عشان تقدري تقفي علي رجلك ومتقعيش من طولك . . . اعملك حاجه تاكليها انتي مكالتيش من امبارح كده غلط عشان تاخدي العلاج . . .
_ والله ما هاكل ولا احط حاجه في بوقي غير لما اخوكي يظهر مش هقدر آكل ولا انام ولا ارتاح انا مش هتحرك من الكنبه دي غير لما اخوكي يظهر و يجي بالسلامه . . . يارب انا راضيه ب اي حاجه بس متحرقش قلبي عالواد ومبقاش عارفه هو فين انا راضيه ب اي حاجه انت كاتبها بس اعرف ابني فين والنار الي في قلبي تبرد بس اعرف مكانه . . .
زينه مقدرتش تمسك دموعها فا دخلت اوضتها عشان مامتها متشوفهاش و هي فالحاله دي قعدت تعيط لأن مامتها طلع كلامه صح وحست ب ابنها ان فيه حاجه او واقع في مشكله . .
النوم غلبها لأنها منمتش كويس من امبارح و اول ما نامت من كتر تفكيرها في اخوها حلمت بيه انه في مكان صحرا وواقف بعيد لابس ابيض وبيضحكلها جريت عليه وقعدت تندهله يا زين يا زين احنا بندور عليك انت فين يا زين راح سابها و مشي فجأه تليفونها رن صحيت من الحلم مفزوعه . . . رقم غريب بيتصل بيها ردت بسرعه يمكن يكون زين وهي عندها أمل يكون هو . .
_ الو مين معايا . . .
= استاذه زينه انا شريف الظابط الي عملك المحضر النهارده . .
_ ايوة يا حضرة الظابط وصلتو ل حاجه . . .
= والله احنا لقينا جثه في النيل في نفس عمر اخوكي بس ملامحها مختفيه خالص حتي من غير هدوم كل الي هيفصل هو تحليل ال DNA و لازم حضرتك تشرفينا عشان نطابق تحليلك معاه و بكده هنعرف هو اخوكي ولا لا تكوني عندنا بكرة الساعه ٧ الصبح . . . .
_ حاضر ٧ بالظبط هكون قدام القسم . . .
قفلت زينه معاه وهي قلبها بيدق و مرعوبه معقول ده يكون اخوها طيب لو هو مين هيكون عمل فيه كده وامتي و ازاي ده حصل وقررت انها مش هتحكي ل مامتها اي حاجه عشان متقلقهاش عالفاضي وخلاص . . .
فضلت صاحية مجلهاش نوم بعد المكالمه دي الحلم الي حلمته طلعت بره تشرب ميه لقت مامتها قاعدة عالكنبة وحاطه ايديها علي خدها ونايمه وهي قاعده . . .
_ ماما . . ماما . . ادخلي نامي جوه ريحي ضهرك عالسرير شوية . . .
= اخوكي جه يا زينه او اتصل . .
_ لا يا ماما بس انا ساعه كده النهار يكون طلع و هنزل ادور في كل مكان و إن شاء الله اوصله عشان خاطري ادخلي معايا الاوضه الجو سقعه هنا اقعدي عالسرير فالدفا . . .
= حاضر يا بنتي حاضر هقوم انا كل جسمي بيوجعني والله . . .
دخلت مامتها الاوضه وزينه دخلت اوضتها مستنيه النهار يطلع عشان تلبس وتنزل تروح القسم تشوف هتعمل ايه وبتدعي ربنا متطلعش الجثه هي اخوها عشان مامتها ممكن يجرالها حاجه .
فضلت قاعده شوية والنهار بدأ يطلع لبست هدومها ونزلت وقفت قدام القسم من قبل المعاد ب ساعه . . . شريف كان بايت في مكتبه من قبلها بيوم طلع بلكونه المكتب لقاها قاعده علي الرصيف فالشارع محتاسه مش عارفه تعمل ايه صعبت عليه راح نزل ياخدها تقعد تستني في المكتب . . .
_ انتي ايه الي جابك بدري كده يا استاذه زينه مش قولتلك الساعه ٧ يكون الدكتور جه . . .
= انا اسفه والله بس معرفتش اعمل ايه امي حالتها صعبة اوي مقدرتش اقعد فالبيت نزلت اشوف اي حل يمكن اوص ل حاجه قولت استني حضرتك تحت انا اسف اني عملتلك إزعاج . . . .
_ لا والله مفيش اي إزعاج خالص انا بس شايفك مرهقه جدا فا استغربت انتي ايه الي منزلك بدري . . .
= إحساس صعب اوي لما مكان شخص عزيز عليك احنا هنتجنن ودماغنا هتنفجر من التفكير يا ترا هو فين عايش ولا ميت راح فين يا ترا محتاج مساعدة . . .
_ فاهمك و حاسس بيكي انا والدي مريض زهايمر و مره تاه كده و قلبنا عليه الدنيا بس لقيناه الحمد لله . . .
= غريبه بس حضرتك شكلك صغير ان والدك يكون كبير ومريض زهايمر . . .
_ مانا اصغر واحد في اخواتي جيت بعدهم ب ١٤ سنه . . .
بصراحه ربنا يكون في عونك انتي و والدتك بجد إن شاء الله هتلاقوه انا بلغت كل الاقسام ب اسمه لو فيه اي حد نفس الإسم عدا عليهم هيتصلوا يبلغوني علي طول . . .
= انا مش عارفه اشكر حضرتك ازاي علي وقفتك جنبي بصراحه حضرتك بجد انسان زوق جدا . .
_ دا واجبي تجاه اي حد محتاج مساعدة بس مش عارف ليه حاسس اني لازم اقف جنبك زياده جايز عشان انتي بنت و لوحدك وبتدوري علي اخوكي الوحيد انا الاول كنت واخد الموضوع بضحك وهزار عشان عمري متوقعت ان واحده تيجي تدور علي اخوها الشاب بعد يوم واحد من إختفائه لكن مكنتش اعرف انك فعلا عندك حق و دا مش من عادة اخوكي انه يسيبكم لوحدكم كل ده . . . لما ادركت القصه عرفت ان فعلا الموضوع كبير و يستحق اني اهتم بيه كويس . . . .
انتي فطرتي قبل ما تنزلي ولا لا . . .
= فطار ايه بس مين هيجيله نفس للأكل بالي احنا فيه ده احنا حاسيين اننا تايهين مش عارفيين ايه الي بيحصل ده ماما هيجرالها حاجه وانا حاسه ان المسئوليه كلها عليا انا بس . . .
_ ان شاء الله نلاقيه انا مش هقفل القضية دي غير لما نلاقيه في اي حال . . مش عاوزك تقلقي خالص انا معاكي للآخر . . .
= يبقي كتر خيرك والله وجميلك ده عمري ما هنساه . . .
_ انا هفطر و اجيبلك تفطري معايا بس متقوليش مش هاكل انتي هتعملي تحليل و لازم تكوني واكله . . .
= ماشي بس مش هاكل كتير معدتي مش مسحمله اي اكل والله وحاسه ان بطني وجعاني . . . .
_ ماشي هطلبلك ساندوتش صغير . .
قعدوا ياكلو وشوية والدكتور اتصل بيه انه يجيبها المستشفي الي فيها الجثه عشان يعملو تحليل الحمض النووي . . .
_ يلا يا زينه الدكتور كلمني ووصل خلاص اهو . . .
= حاضر يلا . . .
راحت ركبت العربيه معاه واتوجهوا للمستشفي الي فيها الجثه .
_ مالك يا زينه ساكته ليه من اول ما ركبنا وانتي منطقتيش بكلمه واحده . . . إن شاء الله مش هيطلع هو . . .
= عارف لو هو اهون من انه يفضل مختفي ومنعرفش هو فين . . بس لو طلع هو بفكر ممكن يكون عمل فيه كده مين يقدر يأذي زين ده عمره ما آذي نمله حتي . . .
_ ولاد الحرام كتير يا زينه بيبقي الشخص عمره ما آذي حد وبيتأذي بكل سهولة عشان حاجات تافهه متستاهلش انا كل يوم بيجيلي حالات شعرك يشيب لما تعرفيها . . المهم انتي متقلقيش وان شاء الله مش هيكون هو وهيكون اخوكي كويس وبخير وكل حاجه هتتصلح . . احنا وصلنا المستشفي .
يلا ننزل وان شاء الله خير . . .
نزلت ليان معاه وهي بتقدم رجل وتأخر التانيه وهي خايفه انه يطلع اخوها و في نفس الوقت خايفه يطلع مش هو وتفضل فالدوامه دي كتير . . . . .
دخلوا المستشفي والدكتور طلب منها انها تدخل يسحب منها تحليل . . . . دخلت و شريف كان واقف مستنيها بره . . .
خرجت زينه لقت شريف قاعد ماسك تليفونه . . .
_ تفتكر يا حضرة الظابط ممكن يكون هو . .
= متقلقيش ان شاء الله خير انتي حاسه ب ايه . . .
_ هو انا ممكن اشوف الجثه دي انا هعرف هو زين ولا لا من غير تحليل حتي لو كانت مفيهاش ملامح . . . .
= هتقدري تستحملي تشوفي جثة ملامحها مختفيه ومش باين منها حاجه . . .
_ اه هستحمل خليني بس اشوفه وانا هعرف هو ولا لا . . . .
نده شريف عالدكتور وقاله . . .
_ لو سمحت يا دكتور احنا عاوزين نشوف الجثه الي كانت واقعه فالنيل . . .
= هتقدر تستحمل تشوف جثه شبه مش*هه انا من رأيي بلاش كده كده التحليل ساعتين وهيظهرك عشان حضرتك طالبه مستعجل . . .
زينه : ارجوك يا دكتور مش هقدر استني انا عاوزه اشوفه . . .
_ طيب علي راحتك اتفضري معايا عالمشرحه . . .
راحت زينه و هي قلبها بيدق جامد وبتقدم رجل وتأخر رجل وصلوا عند باب المشرحه و زينه الدموع في عنيها وفتحوا التلاجه الي فيها الجثة وزينة عنيها عالتلاجه واول ما كشفوا الغطا عن وش الجثه . . . .
يتبع
كتابات ل ghada saeed
- Writer
