“What do you mean, she’s gone?” Lumakas ang boses ni Blake pero wala na siyang pakialam kahit pagtinginan pa siya ng mga tao sa paligid niya.
Naputol ang tawag at nagpaalam na rin siya sa kausap. Ni hindi niya hinintay ang tugon nito. He left.
Malalaki ang hakbang na tinungo niya ang sasakyan habang abala ang kamay sa pag dial sa cellphone. Napapamura siya nang hindi makontak ang kausap kanina.
Bawat minuto, mas lalo niyang binilisan ang pagpapatakbo. Ang kaliwang kamay ay nasa steering wheel, ang isa ay hawak nang mahigpit ang cellphone at nakatuon sa kanyang tainga.
"What the hell?!"
“Pasensya na Sir Blake,” sagot ng nasa kabilang linya. “Pero mukhang nilagyan niya ng pampatulog ang binigay niyang juice sa’min. Hindi po kami basta-basta nakakatulog sa duty—“
“Bullshit!” Gigil na
