"Merry Christmas po!" Sabay na bati ni Joeuanna at Blake sa kausap nila sa linya na si Lola Sally.
"Merry Christmas din mga apo!" bati din sa kanila ng matanda.
"Miss ko na kayo lola... kumusta na po kayo? Magkasundo ba kayo noong si Haide? Hindi po ba kayo pinapabayaan ni Tito Speed?" Kanina ay nakausap na din niya ang Lola Jacinta at Lolo Jaime niya. Maging ang tatlong tiyuhin at napag-alaman niyang kina Lola Sally nga tumitira si Speed, kasama ang pakakasalan daw nito, si Haide. Request daw iyon ng matanda para kahit papaano ay may kasama ito sa bahay.
"Hinay-hinay lang sa pagtanong," sita ni Blake na nasa tabi niya. Iningusan niya ito.
"Aba'y maayos naman ako. Magkasundo naman kami ni Haide, mabait na bata. Naaawa nga ako e, sabi ko sa kanya bakit niya pinatulan si Speed e nandiyan
