Nagising si Joeuanna sa ingay. Parang may nagdedebate sa labas. Napakunot-noo siya at nakinig. Bukod sa boses ni Arlene ay hindi na niya kilala ang iba. Marahil ay tatlo o apat na tao ang naroon. Sa isiping personal na diskusyon iyon ng caretaker ay nagkibit-balikat siya at bumalik ng higa.
Pero napabangon siya at nagtaka kung bakit wala si Blake sa tabi niya. They should be leaving the bed together. Nag-aalala siyang kasama si Blake sa bangayan sa labas kung kaya tuluyan siyang napabangon sa kama.
Isinusuot na niya ang tsinelas nang mapansin ang suot na damit. Naka-sundress na siya ngayon at hindi niya maaalalang nagbihis siya kagabi. Napangiti siya nang maisip si Blake. ‘How thoughtful.’
Pero saan kaya iyon? Napasulyap siya sa oras na nasa cellphone. Mag-aala-sais pa lang. ‘Ang aga
