عشقت جبروت

البارت الرابع

أدهم: تحاول ايه يا معتز؟

معتز بصدمة: دا دا دا

أدهم: دا ايه انطق

زياد: أهلا يا حضرة الظابط ازيك

أدهم بدون ما يبصله: كويس

زياد: انا كنت بقول لمعتز نسهر مع بعض انهارده و..

أدهم: لا معتز مش فاضي ولا ايه يا ميزو

معتز: ايوة مش فاضي

زياد: تمام يا برو نبقى نتفق على وقت تاني باي

معتز: باي

أدهم: وبعدين معاك

معتز: مفيش حاجة يا ادهم هو دا اللي حصل فعلا

أدهم: تمام يلا عشان نروح

رؤى بصدمة: أبيه هشام

هشام: مالك اتخضيتي كده ليه؟

رؤى بقلق: لا مفيش دا عشان الباب اتفتح فجأة بس

هشام: كنت عاوز الشاحن بتاعك لاني مش لاقي الشاحن بتاعي

رؤى براحة: أهه

هشام: تسلميلي

رؤى: يالهوي انا شكلي هموت قريب من الخضة اللي كل شوية دي

ياقوت: ماما انا جايلي عرض تحفة مش مصدقة نفسي

رحاب: خير فرحيني

ياقوت: اتعرض عليا انهارده اشتغل مصورة في جريدة

رحاب بفرحة: بجد ربنا يصلح حالك يا بنتي ويوفقك

ياقوت: ربنا يخليكي ليا يا ست الكل انا هقوم انام عشان هبدأ من بكرة ان شاء الله

رحاب: قومييا بنتي ربنا يوفقك وتحققي اللي بتتمنيه

ياقوت: يارب يا ماما

أحمد: الو ايه يا اتش ما تيجي ياعم نلعب بلاي ستيشن دلوقتي انا زهقان جدا

هشام: انا مليش مزاج اخرج خالص تعالى انت البيت عندي

أحمد: تمام ربعاية واكون عندك

وفجأه عربية جاية من بعيد تخبط في أحمد

أمين: انا اسف جدا

أحمد بألم: مفيش حاجة انا كويس

أمين: طب اتفضل معايا نروح مستشفى

أحمد: مفيش داعي متشكر انا هروح الصيدلية دي اجيب مسكن وخلاص

أمين: انا اسف مرة تانية

أحمد: حصل خير

في الصيدلية

أحمد: لو سمحتي يا دكتورة

داليا: اتفضل يا فندم

أحمد: ايه ده انا شوفتك فين قبل كده

داليا: نعم

أحمد: اسف، عاوز مسكن لان عملت حادثة بسيطة من شوية وايدي وجعاني اوي

داليا بتفحص: طب ممكن اشوفها بعد اذنك

أحمد: اه طبعا

داليا: متقلقش جروح سطحية خد العلاج ده وهتبقى كويس بس متجهدش نفسك

أحمد: متشكر

داليا: العفو الف سلامة

أحمد: انا اسف للسؤال بس أنا متأكد اني شوفتك قبل كده بس مش فاكر فين وامتى

داليا بتذكر: في السينما

أحمد بدهشة: هو انتي اللي شتمتي أدهم؟

داليا بضحك: الحقيقة لا دي صحبتي انا اللي كنت معاها

أحمد: ااه ااه افتكرتك، على العموم فرصة سعيدة

داليا: انا اسعد والف سلامة على حضرتك

أحمد: الله يسلمك

سامر: اجيبهالك ازاي يا ماما بس دلوقتي

سمر: يابني جننتني قول عاوز ايه اخلص

سامر: طب بصي متزعليش وتفضلي تعيطي وتعملي الاوڤر بتاعك ده

سمر بصدمة: أوڤر بتاعي ولد انت متربتش

سامر بضحك: هههههههه عارف اسمعيني بقا

سمر: قول يا سيدي

سامر بجدية: انا مضطر اسافر شهر في شغل

سمر بشهقة: ايه شهر ؟ حرام عليك يا سامر دا انا بموت من القلق عليك لما تغيب أسبوع تقوم تقولي شهر

سامر: والله غصب عني يا ماما انتي عارفة ان دا شغل ومش بمزاجي ابعد عنك لكن أوعدك هكلمك كل شوية لحد ما تزهقي مني

سمر بدموع: مقدرش ازهق منك دا انت حته من قلبي

سامر بمرح: وباقي قلبك لابو احمد يا شقية

سمر بضحك: لا لاخواتك يا لمض

سامر بضحك: ههههههه ايوة اضحكي كده مينفعش الوش الجميل ده يزعل

سمر بحب: ربنا يخليك ليا يا حبيبي انت واخواتك ويبعد عنكوا اي حاجة وحشة

سامر: يااارب

مها: ايه رأيك في لارا يا دمي

أدهم بزهق: تاني يا ماما

مها باصرار: تاني وتالت ومليون

أدهم: اوك لا يا ماما دي مش هتجوزها ارتاحتي كده

مها: أدهم! انت بتعلي صوتك عليا؟

أدهم: يا ماما مش قصدي بس ارجوكي الموضوع بقى ممل بجد

مها: اوك وانا مش هدخلك في حاجة تاني ومتكلمنيش تاني كمان، وسابته وراحت اوضتها

أدهم: لا حول ولا قوة الا بالله مش كفاية انتي كده يا ماما عاوزاني اتجوز عشان يبقوا اتنين

مها: سمعتك على فكرة

أدهم بضحك: هههههههههههههه

هشام: انت اتأخرت ليه يا متخلف انت

أحمد: يا عم اسكت انا عملت حادثة

هشام بتفحص: شايفك زي القرد مفيش حاجة

أحمد: يا اخي الله اكبر من عينك دي بركاتها

هشام: مين الست الوالدة

أحمد: ياغ*ي شوفتها انهارده

هشام: هي مين دي؟

أحمد: اللي هزت كياني

هشام: لا دا انت تقعد تحكيلي كده في ايه

أحمد: اسمع يا سيدي

وحكى له كل حاجة بخصوص داليا

هشام: يعني عشان جابتلك حبيتين مسكن تقوم تقع في غرامها؟

أحمد: مش بالظبط بس حاسس من ناحيتها بحاجة

هشام: انت شكل الحادثة أثرت عليك بكرة هتبقى كويس

أحمد: تصدق اني غلطان اني بحكيلك انا ماشي

هشام: يا عم اقعد انت لحقت

أحمد: لا بجد تعبان وهمشي بعدين نبقى نقعد

هشام: سلامتك يا برو

وهما نازلين لقوا باب البيت بيتفتح

هشام: رؤى

رؤى بخضة: نعم يا أبيه

هشام: انتي راحة فين

رؤى بقلق لاحظه أحمد: ك ك كنت نازلة اجيب حاجة من السوبر ماركت

هشام: متشيكة كده عشان تجيبي حاجة من السوبر ماركت؟

أحمد: ايه ياعم ما تسيبها اومال تنكش شعرها وتنزل

رؤى: انا طالعة اوضتي تصبحوا على خير

أحمد: وانتي من اهله، انا ماشي سلام

هشام : سلام

تاني يوم الصبح

مدحت: ايه رأيك يا أدهم تستغل الأجازة بتاعتك وتيجي الشركة

أدهم: انت قولت أهه يا بابا اجازة يعني ارتاح فيها مش أشتغل

مدحت: مقصدش كده طبعا انا مش هتعبك انا عاوزك تعرف كل كبيرة وصغيرة في الشركة دا انت ابني الكبير ازاي متبقاش عارف حاجة عن شغلي

أدهم: البركة في عمرو ومعتز ان شاء الله

مدحت باصرار: مش كفاية لازم تيجي شخصيا

أدهم: حاضر يا بابا هبقى أعدي

مدحت: مفيش حاجة اسمها تعدي انت هتيجي معايا دلوقتي اطلع البس يلا

أدهم: بس

مدحت: مفيش بس يلا

أدهم بغضب: حاضر

ياقوت اول يوم شغل ليها و رايحة وكلها حماس وحيوية

رئيس التحرير: شوفي يا أستاذة ياقوت احنا عندنا عجز في قسم السياسة فحضرتك عندك مشكلة في كده؟

ياقوت بقلق: لالا ابدا يا فندم أنا كفاءة في اي مجال

رئيس التحرير بضحك: اتمنى كده اتفضلي معايا أعرفك ع الـstaff اللي هتشتغلي معاهم

ياقوت: اتفضل

رئيس التحرير: صباح الخير يا جماعة، أحب أعرفكوا على الأستاذة ياقوت هتشتغل معاكوا فوتوجرافر

محمد باعجاب: اهلا بيكي نورتي المكان

ياقوت برسمية: متشكرة جدا

أيمن: وانتي بقا قلبك جرئ لاحداث السياسة عموما

ياقوت: والله انا مليش في الكلام ده أساسا انا كنت بتمنى أشتغل رياضة أو فن بس حظي بقا

علا: واو بس متقلقيش هتتبسطي معانا هنا

ياقوت: ان شاء الله

أيمن: تمام انا نازل أغطي قضية مهمة جدا تعالي معايا

ياقوت: اوك يلا

هشام: بقولكوا ايه تيجوا نروح دهب او السخنة انا ق*فت من الاجازة دي والله

أحمد: ههههههه ومين سمعك

أدهم: انا عاوز اقطع اجازتي بابا عاوزني اشتغل معاه في الشركة

هشام: طب ما تروح يابني على الاقل تعرف كل حاجة خاصة بأملاك ابوك دا انت الكبير

أدهم: انت هتعمل زيه انت كمان اسكت احسن

أحمد: المهم هنروح ولا لأ

أدهم: خلاص اتفقنا نروح بكرة

كلهم: اتفقنا

مالك: ايه يا رؤى مالك

رؤى: انا كنت هتكشف امبارح بسببك

مالك: ليه ايه اللي حصل

رؤى: هشام شافني وانا راجعة متأخر من عندك بس اللي نجدني ان أحمد صاحبه كان موجود والليلة عدت

مالك: طب كويس انها عدت نشوف ليلتنا بقا ولا ايه

رؤى بضحك: مفيش فايدة فيك

مالك: بحبك

رؤى بهيام: وانا كمان

أسامة: دكتورة غنوة

غنوة: نعم

أسامة: كنت حابب نتكلم مع بعض شوية

غنوة: اتفضل

أسامة: انا اسف اني بتدخل في خصوصياتك لكن انا عارفك اد ايه انتي انسانة محترمة وخلوقة ودا اللي دفعني اني اتكلم بشجاعة

غنوة: انا مش فاهمة حاجة

أسامة: صحابك اللي معاهم على طول انتي مش شكلهم خالص دول هيودوكي في داهية صدقيني انتي ازاي معاهم اصلا

غنوة بغضب: وانت مالك انا مسمحلكش تتكلم عن صحابي كده عن اذنك

أسامة: واضح انك هتتعبيني معاكي

أدهم راح شركة والده واول ما دخل والموظفين انبهروا بيه

أدهم: صباح الخير

رانيا السكرتيرة: صباح النور يا فندم

ادهم: بابا موجود

رانيا: ايوة اتفضل

أدهم: صباح الخير

مدحت: صباح النور

أدهم: كده مبسوط اني جيت اقوم امشي بقا

مدحت: نعم قوم تعالى عشان اعملك جولة في الشركة

أدهم: يا بابا والله ما له داعي كل ده

مدحت: ولا كلمة يلا

أدهم: حاضر

مدحت أخد أدهم في جولة للشركة وسط اعجاب المهندسات بأدهم وهو مش واخد باله اصلا عاوز يمشي من الشركة بسرعة وخلاص

مدحت: ها ايه رايك

ادهم: في ايه يا بابا

مدحت: في الشركة

ادهم: كويسة جدا ممكن امشي بقا

مدحت بزعيق: امشي يا ادهم

ادهم: يا بابا مقصدش ازعلك والله

مدحت: خلاص اتفضل شوف هتعمل ايه

ياقوت نزلت مع ايمن في اجواء لاول مرة تشوفها بدأت تخاف ولكن سمعت صوت جواها بيقولها خليكي واثقة في نفسك عشان تحققي حلمك

أيمن: براڤو عليكي يا ياقوت شكلك هتعملي شغل كويس معانا

ياقوت: متشكرة يا أستاذ أيمن

أيمن: لا أستاذ إيه بقا خلي البساط أحمدي ارفعي الألقاب

ياقوت: ان شاء الله انا هروح بقا

أيمن: استني هوصلك

ياقوت: لالا مفيش داعي انا هروح لوحدي باي

أيمن: باي

عند هشام وقت الغدا

أمينة: مالك يا حبيبتي مبتاكليش ليه؟

رؤى: مليش نفس يا ماما تقريبا أخدت برد في معدتي مش قادرة آكل

أمينة: طب نروح لدكتور

رؤى بخوف: لالالالا انا هبقى كويسة

هشام: الدكتور هيطمنك ع الأقل تقدري تاكلي

رؤى: لا انا هنام وهبقى كويسة تصبحوا على خير

هشام: وانتي من أهله

سمر ببكاء: يعني هتسافر خلاص

سامر: يا حبيبة قلبي والله هكلمك كل شوية متقلقيش عليا

سمر: هتوحشني اوي

سامر: وانتي كمان هتوحشيني أوي والله

أحمد: خلي بالك من نفسك يا بطل

سامر: خير ان شاء الله وانت كمان

غنوة: حبيبي خلي بالك من نفسك

سامر: ان شاء الله وانتي خلي بالك من نفسك يلا أشوف وشكوا بخير

ياقوت رجعت البيت مبسوطة بأول يوم شغل ليها فجأة مامتها دخلت أوضتها

رحاب: قومي البسي بسرعة

ياقوت: في ايه يا ماما

رحاب: ابوكي اتفق مع المهندس اللي عاوز يتجوزك ييجي انهارده وهو زمانه جاي

ياقوت بصدمة: انتي بتقولي ايه...؟