“W-WALA… may tiningnan lang ako sa mukha mo. Hayan, o, may dumi kasi, tsk!” palusot kong sabi sabay punas ko sa kaniyang pisngi.
Ngunit hindi niya ako pinansin at diretso na ngayon ang kaniyang tingin at pumikit ulit. Bumalik ako sa pangalumbaba dahil sa inaantok na ako. Bigla kong naisipan na kunin ang cellphone sa bulsa ko. Binuksan ko ang camera ng cellphone ko at inayos ito sa front cam. Napangiti nang lihim noong makita kong dalawa kami ni Dexter sa camera. Sumilay ang pilyang ngiti sa labi ko at pinindot ang shot. Bahagya pa akong nagulat noong tumunog ang capture.
Kaagad kong itinago ang cellphone ko at nilingon si Dexter. Nakapikit pa rin ang mga mata nito at walang reaksyon. Ibinalik ko ang atensyon ko sa labas at napako ang tingin ko sa tanawin. Na-refresh ang utak ko dahil sa
