"Ang saya-saya mo ah," komento ni Conrad nang makasalubong namin.
Katatapos ko lang manalo sa pustahan namin ni Ricardo kaya ang gaan lalo ng pakiramdam ko. Magandang-maganda ang mood ko kaya kanina pa hindi mawala ang ngiti sa mukha ko.
"Masaya lang talaga ako," sabi ko na lang.
Humagikhik lang ang dalawang bruhang nasa gilid ko. Hanggang ngayon ay hindi pa rin sila makapaniwala sa nangyari pero todo suporta pa rin sila.
Sumabay na sa amin si Conrad at nakipag-usap sa amin. Sina Sab at Letti lang ang sumasagot sa lalaki dahil hindi ko magawang makipagkwentuhan kay Conrad.
Okupado ang isip ko ng mga posibleng mangyari sa date namin ni Ric. Madami na akong nabuong plano at excited na rin ako sa kung anong klaseng date ang mangyayari. Sana lang talaga ay makisama ang lalaking iyon.
At
