"Bahala ka na diyan. Maghahanap pa ako ng mauupuan." Paalam ko at bigla ko siyang tinalikuran. Muntikan ko pa nga makabangga iyong crew na may dalang mga tray at pinagkainan ng mga customers dahil sa kakamadali kong maglakad palayo sa kaniya.
Habang kumakain kami, bigla na naman yata naging awkward and atmosphere naming dalawa. Okay na sana kanina eh. Dahil nga tanga ako bigla ko iyong nasabi. Nakakainis. Panay lang ang nguya naming dalawa ng walang imikan. Gusto ko sana siyang kausapin pero ano naman sasabihin ko?
Nagulantang nalang kaming dalawa dahil iyong mga nakaupo sa katabing table namin dito sa sulok ay biglang nagsigawan. Mukhang mag boyfriend-girlfriend na nag-aaway. Kailangan talaga sa pampublikong lugar? Ang eskandaloso't eskandalosa naman nilang dalawa. Mabuti nalang agad na
