At heto ako ngayon, nalagay sa isang sitwasyong ikakasal sa taong . . . mahal ko siya pero . . . "Bata pa ako, Nell." Huminga ako nang malalim nang magulat siya sa sagot ko. "Hindi pa ako pwedeng magpatali sa 'yo."
Nalukot ang mukha niya habang nakatitig sa akin.
Mahal ko siya pero marami pa akong dapat gawin at hindi ko magagawa ang mga 'yon kung nakatali na ako sa kaniya. Magiging limitado ako sa kilos ko at ayokong mangyari 'yan. Lumaki akong independent.
Kinamot niya ang kilay niya. "Love, sa kasalan pa rin naman ang papunta nito. Bakit pa natin patatagalin?"
Umiling-iling ako. "Pero bata pa nga ako. Ang bilis masyado. Kasal agad? I-enjoy naman natin ang buhay."
Suminghap siya. "Kaya naman nating i-enjoy ang buhay bilang mag-asawa. Ano pa ba ang pinuputok ng butchi mo?" Tumayo siy
