Drew
Gigil na gigil ako habang nagta-type. May ilang oras na rin ang nakalipas nang mangyari ang eksenang iyon sa tanghalian kanina pero hanggang ngayon ay hindi pa rin humuhupa ang inis at pagkadismayang nararamdaman ko sa kaalamang magkasama sina Troy at Luchie. Siguro sa mga oras na ito ay magkasama na naman sila. Sinubukan kong tawagan si Troy kanina pagkatapos kong kumain pero hindi ko siya ma-contact, bagay na mas lalong nagpainis sa akin.
“Bumili ka ng bagong laptop mamaya C. Preferrably yung ideal for gaming.” Narinig kong utos ni Kuya Bernard sa katabi kong si Conrad.
“Bakit, sino ang gagamit? At bakit optimized for gaming pa?”
“Yang katabi mo. Before the day is over, sira na ‘yang laptop n’yan. Ngayon pa lang sinasabi ko na sa iyo bumili ka na ng bago. Optimized for gaming p
