“JUST DO it, son. I’ll be waiting for you.”
Narinig kong sabi ni Dad pero diretso lang ang tingin ko sa walang kagalaw-galaw na katawan ni Janus. Mabibigat ang mga hakbang na naglakad ako papasok sa kuwarto niya at isinara ang pinto sa likuran ko. Nag-request kasi ako ng isang buong araw na kasama siya bago ko siya tuluyang... pakawalan.
Ibinaba ko ang backpack niya at naupo sa upuan na nasa gilid ng kama. Hinawakan ko ang halos wala ng buhay niyang palad.
“Alam mo bang na-inlove ako sa'yo simula pa nang una kitang makita hanggang ngayong hindi ka na makatayo mula dyan sa kama? Sa sobrang pagmamahal ko sa'yo, nakalimutan ko na ang paniniwala at ang mga pinaninindigan ko. Pati nga iyong pride ko ay ibinasura ko para sa'yo. I was expecting us to last a lifetime. Pero langya naman, love!
