"Please, talk to me"
Mahina at halos pabulong niyang turan. Nilingon ko naman siya at nakitang naglakad na pababa sila Austin at iniwan na si Sett na nakakapit sa wrist ko.
Nakatingin lang sa akin nang seryoso si Sett at tila nagmamakaawa kaya naman napabuntong hininga ako. Ganoon lang din naman ang mangyayari. Kailangan ko rin naman siyang pakinggan.
“Kumain kana?” tanong ko sa kaniya.
Tumango-tango naman siya at lumapit sa akin.
“Where’s your room?” tanong niya.
“Nandoon,” sagot ko at itinuro iyong side kung nasaan ang room ko.
Hinila niya naman ako nang tuluyan pababa saka tumakbo papunta sa likod ng building. Maraming mga kahoy na nagkalat dito at mukhang dito itinatambak iyong mga nahuhulog na sanga mula sa mga puno na nakapalibot dito sa park.
