Adhoora Ishq - Office Rivals to Lovers

Chapter 14: Ex Ki Entry

Chapter 14: Ex Ki Entry

Next morning office me Amna apni nayi cabin me baithi thi.

Darwaze pe "Head of PR - Miss Amna" likha hua tha.

Abhi 10 minute hi hue the ke secretary bhaagti hui aayi.

"Ma'am... wo Zara ma'am aayi hain. Bina appointment ke."

Amna ka dil baith gaya. Zara. Wo model. Arham ki "business engagement" wali.

Darwaza khula aur andar ek lambi, khoobsurat larki aayi. Designer dress, mehnge heels.

Tum hi ho Amna?" Zara ne upar se neeche dekha.

"Ji," Amna khari hui.

Zara hans pari. "Cute. Par ye bhool gayi ho ke tum kya ho aur main kya hun."

"Main Head of PR hun," Amna ne himmat karke kaha.

"3 din ki naukri," Zara ne kursi pe baith kar kaha. "Sun lo. Arham aur meri engagement business deal hai. 2 mahine me shaadi hai. Contract sign ho chuka hai."

Amna chup rahi.

"To behtar hoga side pe ho jao," Zara ne kaha. "Warna izzat se nahi nikalogi."

Tabhi darwaza dhakke se khula. Arham andar aaya. Chehra gusse se laal.

"Zara. Niklo yahan se," Arham ne kaha.

Zara uth khari hui. "Arham baby, ye kya tareeqa hai? Main sirf baat karne aayi thi."

"Baatein phone pe hoti hain," Arham ne Amna ka hath pakra. "Aur ye meri fiancée hai. Izzat se baat karo."

Zara zor se hansi. "Fiancée? 2 din pehle wali assistant? Arham tum pagal ho gaye ho? Tumhare abbu ne kaha tha..."

"Mere abbu ko main dekh lunga," Arham ne beech me kaat diya. "Contract todo. Penalty main bharunga. Par ye larki meri hai."

Zara ka chehra utar gaya. Usne Amna ko ghoora. "Tumhe lagta hai ye tumhare sath rahega? Ye ameer log khelte hain. Phir phenk dete hain."

Amna ne pehli baar unchi awaz me kaha, "Main koi khilona nahi hun. Aur Arham bhi nahi."

Zara ne bag uthaya. "Theek hai. Dekhte hain kitne din tikta hai ye drama."

Kehti hui bahar nikal gayi.

Kamre me sannata chha gaya.

Arham ne Amna ka chehra hath me liya. "Darr gayi?"

Amna ne sir hilaya. "Thora sa. Wo ameer hai. Khoobsurat hai. Main..."

"Chup," Arham ne uske hont pe ungli rakh di. "Mujhe ameer larkiyan nahi chahiye. Mujhe tum chahiye. Jo barish me bheegti hai. Jo client se darrti hai. Jo sach bolti hai."

Amna ki aankhon me aansu aa gaye. "Agar apke abbu na mane to?"

"To main ghar chor dunga," Arham ne seedha kaha. "Company chor dunga. Par tumhe nahi choroonga."

Amna ne uske seene pe sar rakh diya. "Main bhi nahi choroongi."

Shaam ko dono sath ghar gaye.

Office me charcha thi, "Zara wapis aa gayi thi. CEO ne bhaga diya."

Amna ne pehli baar mehsoos kiya,

Pyar sirf lafz nahi hota.

Pyar jung bhi hota hai.

#OfficeRomance #CEO #LoveTriangle #Ex #Pakistani #Drama #Jealousy #StaryOriginal