Chapter 10: Ruk Jao
238 Words
Chapter 10: Ruk Jao
Amna apna samaan pack karke office se ja rahi thi.
Lift ka darwaza khula aur samne Arham khara tha. Hath me uska resign letter.
"Kahan ja rahi ho?" Arham ne poocha, awaz thandi thi.
"Job chor rahi hun, sir," Amna ne kaha.
"Kyun?"
"Kyun ke... kyun ke aap engagement kar rahe hain," Amna ki awaz bharra gayi.
Arham 2 qadam aage aya. "Maine kaha tha na wo business hai."
"To?"
"To ye ke main us larki se shaadi nahi karna chahta," Arham ne seedha kaha.
Amna ne aankh uthai. "Phir kis se karna chahte hain?"
Arham chup raha. Phir dheere se bola, "Us larki se... jo barish me bheeg kar bhi kaam karti hai."
"Us larki se... jo client ke samne darr kar nahi bhagi."
"Us larki se... jo raat 12 baje bhi mujhe tension deti hai."
Amna ka saans ruk gaya.
"Amna," Arham ne uska naam liya. "Ruk jao."
Amna ki aankhon me aansu aa gaye. "Aap CEO hain. Main sirf ek employee."
"To?" Arham ne uska hath pakra. "Pyar me designation nahi dekhi jati."
Lift ka alarm baj utha. Dono ek dosre ko dekhte rahe.
Amna ne dheere se sir hilaya. "Main... main nahi ja rahi."
Arham ne pehli baar muskurakar kaha, "Good. Kyun ke mujhe tumhari zarurat hai. Office me bhi. Aur..."
Wo ruka. "Aur meri zindagi me bhi."
THE END... For Now 😉
#OfficeRomance #EnemiesToLovers #CEO #Pakistani #HappyEnding #Love #StaryOriginal
- Writer
- chap_listContents
- likeADD