CLARK
Bumalik ako sa condo ko at naligo. Napapangiwi ako tuwing masasagi ng kamay ko ang mukha ko. Parang nararamdaman ko pa rin sa mukha ko ang bigat ng kamao ni Tito Theo. Pagkatapos kong maligo, ginamot ko ang sugat sa mukha ko. Dinamay ko na rin ang sugat sa kamao ko.
Isang linggo lang ang hinihingi kong leave sa opisina. Dapat bago ako pumasok, magaling na ang mga sugat at pasa ko. Ayokong makita ni Daddy na ganito ang itsura ko. Kilala niya akong hindi mahilig sa basag ulo, kaya magtataka iyon kapag nakita niyang may sugat at pasa ako sa mukha. Kahit magdahilan ako, hindi siya maniniwala, lalo na't may sugat din ang kamao ko.
Pagkatapos kong gamutin ang sugat ko, pumunta ako sa balkonahe. Tiningnan ko ang balkonahe condo niya. Nanatiling nakatabing ang kurtina dito, kaya hindi ko
