THEA
Nagising ako sa tunog ng telepono ko. Ayokong sagutin dahil ayoko pa nang kausap ngayon.
Isang linggo na akong nakakulong dito sa condo ko. Apektado pa rin ako sa nangyari. Tinatawagan ako ni Mommy at Kuya Tan-Tan, pero hindi ko sinasagot. I just let them know I'm fine, so they shouldn't worry. Binilin ko rin si Nos na ‘wag kalimutan na pakainin.
Kinapa ko ang telepono ko sa bedside table nang marinig ang message alert tone pagkatapos huminto nang tumatawag. Kung si Aiden ito, ‘wag niyang asahan na sasagot ako. Ayoko rin muna siyang makausap. Hindi nila ako mapipilit sa bagay na hindi ko gustong gawin.
Galing kay Clarkson ang mensahe, kaya binasa ko ito. Nagtaka ako nang mabasa ko ang mensahe niya. Pupunta raw siya sa Bicol. Magpapasundo na ba si Chazzy? Sa pagkakaalam ko, dala
