THEA
“Kung nag-aalala ka sa posibleng mangyari kapag umatras ka sa kasal, ‘wag kang mag-alala dahil hindi kita iiwan sa ere. Kung kailangan, ako na ang sumalo ng lahat ng sisi; gagawin ko, ‘wag ka lang lumayo ulit sa akin.” Pinagdikit niya ang aming mga noo. “Hindi kita iiwan sa laban na ito, Thea. Magtiwala ka lang sa akin, okay?”
Gumuhit ang ngiti ko sa labi, sabay tumango. “I trust you, Clark,” halos pabulong na sabi ko.
Malawak siyang ngumiti. “Thanks, baby.” Dinala niya ang dalawang kamay ko sa balikat niya. Awtomatiko ko naman agad itong pinulupot sa leeg niya. “Mahal na mahal kita, Althea Ravalez. Gagawa ako ng paraan para hindi ka talaga tuluyang ikasal sa lalaking iyon, at sisiguraduhin kong mangyayari iyon ngayong gabi.”
Kumunot ang noo ko. “A-ano'ng paraan ang iniisip mo,
