THEA
“A-Aiden.”
Tumayo siya at lumapit sa akin. Akma niya akong hahagkan sa labi, pero umiwas ako. Natigilan siya sa ginawa ko, ngunit kalaunan, sa noo ko na lang dumapo ang labi niya.
“Galit ka ba dahil masyado na akong nakikialam sa buhay mo?” Kalmado lang ang boses niya, kaya baka hindi siya galit nang hindi ko siya sinunod sa utos niya ng huli kaming nag-usap. Hindi ako sumagot. Hindi ko siya magawang tingnan dahil kahit gusto ko ng umatras sa kasal, hindi pa rin tama na habang attached ako sa kanya, may kasama naman akong ibang lalaki ng nagdaang gabi. “Okay, I'm sorry. Hindi na mauulit. Hindi na kita pakikialaman.”
Hindi ko na ito dapat patagalin. Kailangan ko na siyang kausapin. Gusto kong matahimik na ang isip ko.
“Aiden.” Tiningala ko siya. Matamis ang ngiti niya ng sulyap
