"Oop, oop, oop! Bakit mo ipinasilid ang pera? Hindi ka pa nga nananalo!" sigaw ng isang lalaki mula sa grupo, may halong iritasyon at pangungutya ang tinig nito.
Ngumiti lamang si Zhoey, matatag ang kumpiyansang bumabalot sa kanyang mukha—tila ba walang anumang makakapagpayanig sa kanya. "Relax ka lang, para lang sa seguridad ang pagsilid ng pera. Hindi namin ito itatakbo," aniya, kasabay ng isang ngiting may bahid ng mapaglarong pang-aasar.
Isa sa mga lalaking pumusta sa kanya ay lihim na napangiti habang pinagmamasdan siya. Hindi maikakaila ang matibay na pananalig ni Zhoey sa sarili—isang bihirang katangian na kapuri-puri at kapansin-pansin. Ngunit sa kabila ng paghanga, isang tanong ang bumabagabag sa kanyang isipan… Sino kaya ang babaeng ito upang mangahas nang ganito? Para siyang s
