ANGEL'S EVIL HUSBAND CHAPTER 19
THIRD PERSON
Sa dining area ng mansiyon ng Zacarias.
Naroon ang tatlo, si Heitor na nakaupo sa kabilang dulo ng mesa habang sa kaliwa'y si Ziche at sa kanan nama'y si Zindrei na masama ang tinging pinupukol sa demonyo. Wala na ang walang emosyong mukha't malamig na postura nito na siyang unang nakita ni Heitor sa kaniya.
Kanina sa silid ni Heitor, matapos matagumpay na naibalik sa sarili si Ziche, natigil lamang ang labanang masamang tingin ng dalawa, si Heitor at Zindrei, nang bigla namang narinig ng bawat sulok ng silid na iyon ang isang tunog na parang nanggagalaiting dragon. Tunog ng nagugutom na tiyan ni Ziche.
Kaya naman, ngayo'y nandito sila't nakaupo na lamang, tapos ng kumain at tapos na ring nailigpit ng mga katulong ang kanilang pinagkaina
