Chapter 1.
[Jack]
Muling sinulyapan ni Jack ang suot na relo. Naiinip na siya. Kanina pa naghihintay ang binata sa paglabas ni Farrah mula sa pinapasukang unibersidad subalit hanggang ngayon ay wala pa rin ito. Lumabas na ang karamihan ng mga estudyante maliban rito.
Pinilig niya ang ulo bago kinuha ang kanyang cellphone kung saan makikita at mata-track ang dalaga. Agad na naggalawan ang panga niya sa galit ng makumpirma ang hinala niya.
‘Damn!’
Tinakasan siya nito. Marahil ay sumabay ito sa mga estudyante kanina kaya hindi niya ito napansin. Mabuti na lamang at may nilagay siyang tracking device sa likod ng dalaga nang hindi nito nalalaman. Isang napakaliit na tracking device na hindi mahahalata nang sino man. Tsk. Mabuti na lang at binigyan siya ng kaibigan niyang si Zandro.
Aga
