Nagising ako na may masamang pakiramdam. Tila ang bigat ng aking katawan at nanlalambot amg aking mga tuhod, parang mainit rin ang hangin na lumalabas sa aking ilong.
"Good morning anak! "
Pang umagang bati sa akin ni nanay Lor, kaya nginitian ko ito. Tila hindi kumbinsido ang matanda sa aking sagot kaya lumapit ito at idinampi ang palad sa aking noo at ang isa ay sa kanya naman.
"May lagnat ka anak, teka lang at magluluto ako ng arroz caldo at ng nakainom ka na ng gamot. "
Tinanguan ko lamang ang matanda at nagpasalamat, pilit ako na tumayo para gawin ang araw-araw na ritwal ko sa aking katawan ang maligo!
Pagkatapos ko maglinis sa aking sarili ay naupo ako sa upuan malapit sa bintana at hinihintay ko na lumabas ng tuluyan ang haring araw, sa hula ko ay nasa alas singko y medya pa
