ALFIE'S P.O.V
"Pare, punta kayo dito sa supermarket dali!" atat na wika ni Eon sa kabilang linya.
Kagagaling lang namin ni Max sa isang coffee shop na malapit dito sa Market Market Taguig, nang tinawagan niya kami. Pauwi na sana kami ni Max. Magkasama kaming tatlo ngunit nauna siyang umuwi dahil ang sabi niya ay may bibilhin siya sa supermarket.
"Ano bang mayroon diyan Eon?" tanong ko naman na hindi maintindihan ang pagmamadali niya sa amin.
"Basta punta kayo ni Max dito dahil may ipapakita ako sa inyo," anito.
"Shuta ka talaga Eon! Ano ba ang laro mo ha? Kapag may kalokohan kang gagawin humanda ka talaga sa akin!" pagbabanta ko pa sa kanya.
Sa aming tatlo ay siya ang buang sa amin. Madalas ay puro kabulastugan ang ginagawa. Ako naman kasi ang tipong seryoso sa buhay. At si Max
