ALTHEA'S P.O.V
ANG KATAPANGAN ay hindi naipapakita sa pagiging siga. Ang totoong matapang ay marunong umamin ng totoong nararamdaman. Ito ang nangyayari ngayon kay Barbie. Kusang tumutulo ang kanyang sipon at luha sa anghang na nararamdaman.
Lalong nadagdagan ang anghang sa kanyang nakain nang makainom ng hot tea. Hindi siya nakatiis ay nagtatakbong humingi ng tubig sa waiter. Para akong sasabog sa pagpipigil ng tawa.
Bumaling ng nakakamatay na tingin si Alfie sa akin. Alam kung nagagalit siya sa akin dahil sa nangyari kay Barbie. For sure magbabangayan na naman kami kapag wala lang si Kuya at ang kanyang kaibigan.
"What?" nakairap kong tanong.
Kasalanan ko pa ba ang nangyari? Ginusto naman ni Barbie ang kumain no'n. Walang sapilitang nangyari kaya ipaglaban kong wala akong kasalanan.
