Endiyah
Isang matunog na halik ang nagpagising sa akin. Iminulat ko ang mga mata at nasilayan ang guwapong mukha ni Ethan na nakakatitig sa akin. Pagkatapos namin mananghalian kanina ay umakyat na ako dito sa kuwarto dahil mabigat ang pakiramdam ko. Sinundan ako ni Ethan at sinabihan na aalis muna siya dahil papasok sa opisina. Kaya naman ginamit ko na ang pagkakataon na iyon upang makahingi sa kaniya ng pain reliever. Bahagya pa akong nahiya nang ngumisi siya sa akin.
Pagkatapos ba naman ang ginawa niya sa akin magdamag ay inakala ko iyon. Ngunit hindi lang ako makapaniwala sa sarili ko na bumigay ako sa kaniya. Ito naman talaga ang gusto niya ‘di ba? Ang maangkin ako nang buo para mabayaran ko ang utang namin sa kaniya. Pero sa tuwing naiisip ko na kabayaran lang pala ng utang ang pag
