Endiyah
Dalawang araw pa ang lumipas na paninirahan namin kay Ethan. Tinawagan ko na rin sila Uncle na huwag silang mag-alala sa amin dahil maayos naman ang kalagayan namin sa puder ni Ethan. Lalong naging laki sa layaw si Briar dahil lahat ng gusto niya ay sinusunod ng daddy niya at hindi ko iyon puwedeng tutulan. Ayaw ko ng mauwi na naman kami sa argumento dahil medyo maayos na ang samahan namin. Though we didn't sleep together after the hot nights in Batangas, pero okay lang basta magkasama kami.
Pinatulog ko muna si Briar bago ako bumaba. Hinanap ko ang daddy niya dahil kanina pa ito hindi umaakyat pagkatapos magpaalam sa anak niya na may gagawin raw sa kaniyang library. Bukas ang pintuan ng kaniyang library kaya naman sumilip ako roon. Tanging lampshade lang ang ilaw. Nakayuko si
