Sinabi ni Rania kay Zachariah ang muling ginagawang panggugulo ni Vent sa kaniya. At ngayon nga ay kita niya ang galit na bumalatay sa mukha ng kapatid habang kinukwento rito ang mga banta sa kaniya ni Vent.
"That guy doesn't know how to quit." Nanggagalaitang saad ni Zachariah at nakakuyom na rin ang mga kamay niya.
"Ano ng gagawin ko ngayon kuya? Tiyak na hindi titigil si Vent hanggat hindi niya nakukuha ang gusto niya." Puno ng pag-aalala ang boses ni Rania at hindi na napapakali sa kaniyang upuan.
"Alam ba ni Samson ang tungkol dito?" Tanong ni Zach na nakatingin sa kapatid na halatang nangangamba ito.
Mabilis naman na umiling si Rania sa tanong niya. "Hindi ko alam kung paano ko sasabihin sa kaniya kuya. Hindi ko din alam kung kaya ko bang sabihin sa kaniya ang nangyari noon. Hind
