ANGELICA
DALAWANG araw na ang lumipas mula nang maligaw ako sa kakahuyan at nagbigay ng matinding sakit ng ulo sa mga taong nakatira dito sa mansyon. Nahihiya akong humarap sa mga taong nandito dahil tuwing gagawin ko iyon ay palagi kong naaalala ang nagawa kong pagkakamali, kaya mas pinipili ko na lamang ang umiwas at magsarili ng kilos.
Tumayo ako mula sa kama at nagdesisyong bumaba na muna upang gumawa ng sariling pagkain. Nahihiya na rin akong humingi ng tulong kay Manang Susan, lalo na't nalaman ko mula kay Elsa na sinalo ni Manang Susan ang lahat ng galit ni Sir Marcuz dahil sa kagagawan ko at pagpapabaya.
"Aarggh," napa-igik ako nang muli kong maramdaman ang sakit at bahagyang hapdi sa aking p****e. Dalawang araw na ang lumipas ngunit nananatili pa rin ang sakit. At isa pa iyong
