ANALYN’s POV
May nakuha ng secretary para sa asawa ko at nakabalik na rin si Nanay Sabel bago dumating ang pasukan. May license na rin si Darwin kaya may maghahatid na rin sa akin sa school.
Pasukan na namin. Kahit gustuhin ni Shador na ihatid ako pagpasok ay hindi naman maaari. Masyadong tatanghaliin siya sa kanyang pagpasok sa opisina. Ayaw rin naman niya na nakatambay ako sa school kaya yung tamang oras lang ako dapat.
Si Darwin ang maghahatid sa akin pagpasok. Babalikan niya ako pagkahatid niya sa aking asawa.
“Kiss na, sweetie pie. Ma-mi-miss kita,” sambit nito. Papasok na lang siya ay ikinalong pa ako at naglalambing.
“Ma-mi-miss din kita, ilang oras lang naman tayong hindi magkakasama. Saka mamaya naman, dadaanan moa ko sa school, di ba?” Inaayos-ayos ko pa ang buhok nito. “
