SHADOR’s POV
May malalakas na katok sa aking pintuan. Kasabay nang malalakas na katok ay ang boses ni Daddy. Pati ang boses ni Mommy ay maririnig na inaawat nito si Daddy.
“Shador, lumabas ka d’yan!” Galit na wika ni Daddy.
Ano na naman ang ginawa ko at mainit na naman ang ulo nito sa akin. Okay naman kami kagabi bago kami maghiwa-hiwalay. Ngayon heto siya at sumisigaw. Kakaiba ang sigaw niya, at tila kakaiba rin ang galit niya. Napilitan akong bumangon ng aking higaan kahit gusto ko pang matulog. Mas mahirap na hindi ko intindihin ito at baka madoble pa ang parusa na ibibigay niya sa akin dahil sa pagsuway dito.
Pupungas pungas pa ang aking mga mata ng buksan ko ang pinto. Akala ko ay tatahimik na si Daddy kapag nakita ako. Wala na rin sa isip ko kung ano ang hitsura ko. Naka-boxer
