ANALYN’s POV
Pumasok ako ng campus sandali para masiguro ko lang na umalis na si Darwin. Wala akong alam na pupuntahan at hindi ko rin kabisado ang pasikot-sikot dito sa Manila. May dala akong pera, hindi ko na naalis sa bag ko ang laman kagabi. Sinadya kong magdala ng pera dahil sa plano kong mamili ngunit nasira ng dahil kay Valerie.
Pumara ako ng taxi.
“Kuya sa Santa Monica po,” sambit ko dito.
“Saang lugar po ba iyon? Street po ba ‘yon?” tanong sa akin ng driver.
“Santa Monica, Pangasinan po.”
“Ay, ma’am, dito lang po ako sa Manila. Pero pwede rin po, kaya lang mahal po ang bayad.”
“Magkano po?” kinukwenta ko na kung magkano ang dala kong pera.
“Ten Thousand kasi wala naman akong sakay pabalik ng Manila. Wala naman sasakay ng taxi mula probinsiya ninyo papunta rito.” Masyad
