OWEN P.O.V.
Nasa may harden kami ni Mama, kakagaling ko lang ng hospital.
Halos nanghina ako nang malaman kay Mama na isinugod si Dusk sa hospital dahil napuruhan ni Dawn.
"Hindi ko na alam ang gagawin, Ma," wika ko, at agad na yumakap sa aking ina. "Hirap na hirap na akong unawain ang mga kambal. Minsan gusto ko ng sumuko at itakwil sila."
Ginulo ni Mama ang aking buhok at agad din na binalik sa ayos. "Huwag kang sumuko, anak. Nandito lang kami ni Papa mo na dadamay sa'yo sa lahat ng problemang daraanan mo. Lagi mong tandaan na hindi ka nag-iisa," malumanay na wika ni Mama, at niyakap ako nang mahigpit. "Kaya magpakatatag ka, anak. Pagsubok lang ito sa'yo. Sinusubok ka kang ng Panginoon. Pinaalala niya lang sa'yo na hindi lahat ng araw ay masaya, at hindi din lahat ng araw ay may pi
