Habang tumatagal mas lalo nauunawaan ni Dave kung paano pinapatakbo ang kompanya at ang kahalagahan ng pagpapanatili ng kapangyarihan ng mga Sequerra. Alam niyang may dahilan ang lolo niya kung bakit gusto-gusto nito na si Julianna ang kanyang mapapangasawa dahil pagnagsanib ang pamilyang Sequerra at Sorrino, tiyak hindi na basta-basta magigiba ang imperyo ng kanilang negosyo.
Ngunit sa kabila ng lahat na ito, nanatiling matatag si Dave sa kanyang paninindigan at para sa kanya, hindi niya kayang ipagpalit ang pagmamahal niya kay Carlo sa kapangyarihan at yaman.
Isang araw laking gulat ng lahat ng surprisang bumisita si Mr. Condrado Sequerra sa isang branch ng burger shop na pinagtatrabahoan ni Carlo. Tanging si Carlo lamang at ang kanyang supervisor ang nakakakita ng personal sa taong n
