CLARICE’S POV
Habang sina Lorraine at Nathan ay masaya dahil tinanggap na ni Tito Julio ang kanilang relasyon. Si Abby naman ay nagluluksa ang puso dahil tuluyan nang hindi dumating si Charles dito sa debut ni Lorraine. Kaya nga ang sabi ni Abby ay umurong ang itlog dahil natakot sa obligasyon niya.
‘‘Sis, okay ka lang?’’ tanong ko kay Abby nang mapag-isa kami dito sa lamesa at lahat sila ay nasa gitna nagsasayaw.
Tumingin sa akin si Abby at umiling. “Sinungaling ako kapag sinabi kong okay ako,” tugon sa akin ni Abby at nagsimula na naman siyang umiyak.
Kinagat ko ang aking ibabang labi dahil sa awa sa aking kaibigan. Alam kong pinipilit lang niya na ipakita na ayos siya pero ang totoo’y malapit na siyang bumigay dahil hindi na nagpakita si Charles sa kanya.
“Sis, bakit hindi mo punta
