Simula nang magpakita sa akin si Vince ay palagi na akong pinpuntahan ni Alex dito sa school at sa trabaho. At malimit inaabangan niya agad ang paglabas ko sa school.
“Love, kanina ka pa ba?” tanong ko kay Alex nang maabutan ko siya na hinihintay niya ako dito sa may gate ng school.
Ngumiti si Alex. “Love, okay lang na ako ang maghintay sa ‘yo nang matagal dito sa gate. Atleast hindi magkakaroon nang lakas ng loob si Vince na lapitan ka,” mabilis na tugon ni Alex sa akin.
Alam ko naman na sinasadya niya talagang pumunta ng maagap dito sa school.
Kinuha ni Alex ang aking bag at hinawakan niya ang aking kamay at naglakad na kami patungo sa kanyang kotse.
Hindi pa kami tuluyang nakakalapit sa kanyang sasakyan nang may tumigil na isang kotse sa aming harapan at bumaba mula sa sasakyan an
