TULALANG umuwi si Gabby kasama si Anton. Sa hotel kasi tumuloy ang mag-asawang Xia at Justin. Tahimik ito na malayo ang tanaw ng mga matang puno ng lungkot, pagsisisi at pangungulila. Tahimik lang naman si Anton sa tabi nito. Hindi na muna siya nagtatanong at tiyak na tungkol kay Matteo ang nalaman ni Gabby kaya napakatahimik at lungkot nito.
Nag-usap kasi ng masinsinan sina Gabby at Xia kanina sa children's park na pinagtambayan nila ng ilang oras. Kaya nakatitiyak itong tungkol kay Matteo ang dahilan ng pagiging tahimik nito. Kinakabahan din kasi ito para kay Gabby. Sa halos isang taon niyang kasama ito dito sa America ay mas nagkalapit sila ni Gabby. Kaya nag-aalala ito na baka. . . baka nag-asawa na si Matteo kaya gan'to si Gabby ngayon.
Pagdating nila sa bahay nila, gano'n pa rin
