Para kaming mga maliliit na batang nasermunan sa loob ng counselling office ng university. Nandito kaming lahat na magkakaibigan pati na rin ang grupo ng mga babaeng nakaaway namin sa cafeteria. Hindi ko alam kung anong pumasok sa akin at sinuntok ko ang lider nila. Sa sobrang galit ko lang dahil sa pang-iinsulto niya kay Ino. How dare she?! Hindi naging firefighter si Ino just to serve face. Nandoon siya para tumulong sa mga taong nangangailangan. Tapos i-invalidate na lang siya ng mga babaeng ito dahil lang sa nangyari sa mukha niya?! Gusto ko ulit itong suntukin hanggang sa masira ko talaga ang mukha niya.
Halos isang oras yata kami na naroon at dahil first offense namin, we just got a warning and a few days of community service. Nang lumabas na kami ng office, humingi ako ng tawad sa
