Adelina's Point of View
Pagkapasok na pagkapasok ko sa loob ng mansyon ay halos mapaluhod ako sa panghihina ng mga tuhod ko dahil sa labis na pagkabigla. Hanggang ngayon ay natutulala pa rin ako.
Hindi ko lubos maisip na ang major sponsor ng bahay-ampunan na itinatag ko ay si Sir Amadeo.
Ni minsan ay hindi sumagi sa isip ko 'yon.
Ngayon lang ako nagsisi na hindi ako hands-on sa bahay-ampunan; na ang mga madre lang ang hinahayaan kong mamahala. Maging ang mga bata ay hindi ako kilala dahil iyon ang unang beses na nakita nila ako.
Siguro kung nalaman ko lang na si Sir Amadeo ang sumusuporta sa bahay-ampunan simula nang maitatag ito, sana'y hindi ko na lang tinanggap ang misyon.
Napabuga na lang ako ng hangin saka itinuloy ang pagpupunas ng mga vase.
"May problema ba?" Napalingon
